МАКЕДОНИЈА И СРБИЈА ЧЕКОРАТ КОН ЗАЕДНИЧКА ДРЖАВА
Формирањето заеднички амбaсади меѓу Македонија и Србија ќе биде чекор кон создавање заедничка држава, смета контроверзниот професор Божидар Димитров, директор на бугарскиот Национален историски музеј. Во интервју за агенцијата Фокус, тој прашува „каква независна надворешна политика може да има ако 80 отсто од амабсадите бидат заеднички".
Димитров вели дека еден од столбовите на независноста е да се има независна надворешна политика, па затоа „тврдењата дека со тоа нема да биде засегната надворешната политика се смешни зашто во една амбасада не може да остане тајна ниту една инструкција од соодветните министерства за надворешни работи".
-Сите тие инструкции се тајни и тоа е меѓународна практика од антиката до денес - вели Димитров, кој не заборава да се наврати на неговата дежурна тема - Македонија и нејзината државност.
-Секој што добро ја знае историјата на Македонија знае дека таа држава беше создадена од српските тајни служби за да служи како тампон-зона при ембаргото што се очекуваше да биде воспоставено спрема она што остана од Југославија. Обединувањето на двете држави, кое почнува со обединувањето на амбасадите, е целосно уставно, зашто луѓето забораваат дека прашањето на референдумот беше - дали сте согласни Македонија да стане независна држава со можност одново да се обедини.
Тој, сепак, смета дека на прашањето треба да му се обрне внимание, зашто Македонија ќе има заеднички амбасади со Турција, која не е членка на ЕУ, но и со Србија, која според Димитров, сосема е сигурно дека ќе стане членка на Унијата.
(Дневник)
8 јануари 2014