„БАРАЈЌИ СИ ЈА СРЕЌАТА" ВО ЏЕБНОТО КИНО НА МКЦ
Документарниот филм „Барајќи ја среќата" на авторката Марија Џиџева од вечерва во 22 часот, ќе биде на редовен репертоар во џебното кино при Младинскиот културен центар во Скопје. Филмот имаше премиера на фестивалот на филмска камера „Браќа Манаки" во Битола. Со „Барајќи ја среќата" почна редовниот репертоар на џебното кино, кое неодамна беше реновирано.
Од МКЦ велат дека репертоарот на киното ќе биде креиран во духот на алтернативните филмски текови и ќе третира независни филмски продукции, како и филмски продукции од европскиот континент. Неизоставен дел ќе бидат и премиерите на новите краткометражни и долгометражни македонски филмови.
Во терминот од 20 часот ќе биде прикажан француско-белгискиот „Министер" на режисерот Пјер Шолер.
(Дневник)
2 декември 2013
