МОРИТАКЕ, Арикада (1472-1546)

 Отпаднат лист ли / се вратил пак на гранка? / Не, пеперуга!

 *

 Зелени врби – / врз челото од брегот / исцртале веѓи.

 *

 Светот мој го снема! / Како мов од глуварка / и животот летна.

ШОХА, Сотомура (1521-1602)

 На зајдисонце / долга сенка на страшило / на сред пат сама.

 *

 Не се најде кист / да го наслика мирисот / на цутот сливов.

ТЕЈТОКУ, Мацунага (1570-1653)

 Од каква ли жал / бледило врз цутјето / на кајсијата?

 *

 Долго, долго пулам / на везбата врз зглавјето – / долга ноќ без сон.

 *

 Каква месечина! / Гледајте и уживајте! / Ќе спиете дење.

 *

Ми студи од восторг, / не чуди се, гледајќи ги / снежинките од цут.

*

 Еленско месо? / Полековит за срце е / рикот еленски.

 *

 Ми иде да врекнам / внимателно со огнот! – по светулката …

 *

 Секој го мазни / лиејќи од вознес солзи / цветот од лилјанот …