СОИН, Нишијама (1605-1682)

Сврти го светот / како да е, ќе излезе: / бил пеперутка!

 *

 Летна омарнина! – /велам, а тоа солзи / го квасат образот.

 *

 Веќе ли не се / изнагледавме цвеќе ? / Ни се шинал вратот!

ЌИГЕЦУ – НИ (1622- 1708)

 Цвеќето што е / во полн блесок – не знае / дека стареам.

 *

 Некој скакулец / струже во ракавот / на страшилото.

 *

 Големо Утро – над борјето дува ветрот / на минатото.

 *

 За миг прекинав / со миење садови – / го чув славејот!

 *

 О вишни во цут! / Небаре го оживевте / и срцево во скрб.

 *

 Снежномразен виор. / Зад водје и ридје вресок/ на птици во бег.

 *

 Чекаме пролет. / Надвор сал осквернет мраз / со отпад и кал.