Минатата недела Ховит поднесе амандман на неговиот извештај со кој изрази загриженост дека помалку млади луѓе се чини дека го изучуваат јазикот на другиот (претходно беше македонскиот јазик) и побара акција по ова прашање за да се избегне поделба и потенцијални конфликти по етничка линија меѓу децата на училишна возраст.
„Со едно политичко харикири, Ховит станува алатка со чија помош треба да се затвори кругот околу Македонија. Може само да се претпоставува која е вистинската причина за толку брзото еволуирање на британскиот европратеник. Но, со сигурност може да се тврди, дека тоа е дел од стратегијата на САД да се затвори маѓепсаниот круг околу Македонија за промена на нејзиното име, идентитетот, историјата, јазикот и културата на Македонците. Тоа е обид со уцени од сите страни да му се стави точка на македонското опстојување во името, што неодамна го најави поранешниот американски амбасадор во Република Македонија, Филип Рикер, кога сугерираше да отвориме „дебата за името", а по него и актуелниот американски амбасадор Пол Волерс, кој од европскиот Штулов универзитет во Тетово ни порача: „Не можете да се дефинирате по својата националност, која е различна, ниту по верата, која исто така се разликува, или по културата, која е слична, но не е иста". Внимавајте, потребно е со дебата да си го смениме нашето вековно име", соопшти Македонски манифест и го повикува македонскиот народ и сите граѓани на Република Македонија да не ги примаат слепо обландираните подароци од новиот Вавилон и да опстојат, како што велат, во исконот на името.
„Придавката „македонски" може да ја протераат од ЕУ, но не можат да ја искоренат од Македонците", порачуваат од Македонски манифест.
(МКД)
29 декември 2013
