„Со длабока тага и чувство на огорченост ја примив веста за терористичките напади во Волгоград, Руската Федерација, и искрено жалам за загубените животи од овој злосторнички акт. Во овие тажни моменти за Вас, за граѓаните на Вашата земја и за семејствата на настраданите и повредените, дозволете ми, од името на граѓаните на Република Македонија и од мое лично име, да Ви упатам изрази на длабоко сочувство. Сакам да Ве уверам дека мислите на македонските граѓани се со Вас и со пријателскиот руски народ", се вели во писмото. 

„Овој грозоморен чин, како и, впрочем, сите кукавички акти на тероризмот, чија цел е сеење страв и чувство на несигурност, чии жртви се недолжни луѓе, нема да не поколеба во истрајноста на зачувување на споделените човечки и цивилизациски вредности и придобивки. Напротив, овој глобален предизвик бара и глобален одговор, соработка и заемна поддршка", се вели, меѓу другото, во писмото со сочувство до рускиот претседател Путин.