-Споменикот се наоѓа на улицата Никола Вапцаров, која води до плоштадот „Македонија".
-Македонскиот учител и војвода Христо Узунов (роден во Охрид, на 22 февруари 1878 г.), бил реонски началник на четите на Македонската револуционерна организација во Охридскиот револуционерен округ. Се школувал во Солун и учествувал во солунските училишни бунтови. Од 1903 година бил поставен за главен војвода на охридските револуционерни чети. Учествувал на Смилевскиот конгрес. Во Илинденското востание бил член на Горското началство (штабот) за Охридскиот револуционерен реон. Загинал со четата, опколен од турска војска, на 24 април 1905 г.
-Споменикот е висок пет метри. Излеан е во бронза и поставен е на постамент.
-Автор на делото е Сокол Цфарку. Споменикот е излеан во домашната леарница „Панко" во Скопје.
