Екстрадицијата на Алил Демири и Африм Исмаиловиќ се уште заглавена во косовските судови. Адвокатот на обвинетите во земјава Насер Руфи смета дека првообвинетите - организатори и извршители на масакрот кај Смилковци нема да им бидат испорачани на македонските органи.
Во меѓувреме се поголеми се и сомнежите дека Демири и Исмаиловиќ ќе бидат амнестирани во Косово за делата за кои таму се осудени. Во исчекување на нивното барање за амнестија, се подалеку се и од македонските органи на прогонот, вели Руфи.
Македонското министерство за правда екстрадиција побара во мај минатата година, но одговор од косовските власти се уште нема.
Министерот Беџети неколку пати потврди дека соработувал со колегите од Приштина, но без да прецизира до каде е постапката.
И додека се очекува следната да биде маратонска недела за судскиот процес со закажани три рочишта, косовскиот суд се уште не го доставило одговорот на косовското министерство за правда дали ќе ги испорача Демири и Исмаиловиќ.
http://www.dailymotion.com/video/x19jfzf_rufi-za-ekstradicijata_news
Михајло Видимлиски
(24ВЕСТИ)
12 јануари 2014