Но, како што наведуива „Дејли Мејл", истражувачи од Универзитетот „Отаго" на Нов Зеланд сега тврдат дека виното што го пиел Александар било зачинето со билка, која со ферментација станува смртоносен отров.
Шефот на истражувачкиот тим, Лио Шеп, токсиколог од новозеландскиот Национален центар за отрови, смета дека билката со која бил отруен Александар е кукурекот (helleborus), односно нејзиниот цвет.
Според него, теориите за труење со арсен или стрихин не се реални, бидејќи во таков случај смртта би настапила многу брзо.
Шеп смета дека во античко време било добро познато оти цветот на кукурекот помешан со вино станува отров.
Кукурекот е зелеста билка со зелени листови, а неговите цветови можат да се најдат во 20 различни бои. Кукрекот вообичаено расте во борови или букови шуми, но се користи и како саксиско цвеќе. Бидејќи спаѓа во групата на отровни билки, кукурекот се користи само како украсно растение.