Од гостиварскиот Основен суд потврдија дека одлуката на второстепениот суд стигнала кај нив пред една недела. Повторно судење или преиначување на казната нема да има.
Јавната седница во Апелациониот суд се одржа кон крајот на ноември. Во жалбата, се бараше укинување на пресудата и враќање на предметот на повторно судење.
Одбраната образложи дека во првостепената постапка имало контрадикторности и дека сите материјални докази и вештачењата ја потврдувале изјавата на Трифуновски која судот не ја зел за веродостојна, а поклонил верба само на исказите на сведоците.
Настанот кој ја потресе гостиварската јавност се случи во февруари 2012 година.
Поранешниот полицаец со службениот пиштол застрела двајца гостиварци. За причините тој и сведоците кои се појавија на суд имаа различни веризии. Додека сведоците изјавија дека Трифуновски пукал без особен повод во банална расправија за паркинг место, тој тврдеше дека бил нападнат и ја штител малолетната ќерка и себе си.
Една година по настанот кривичниот совет на Основниот суд во Гостивар го прогласи за виновен за убиство со умисла и предизвикување на општа опасност и го осуди на доживотен затвор.
По одлуката на Апелација одбраната има право да се жали пред Врховниот суд.
(е ова е срам... да не должам, се знае зошто ќе лежи...)
(Денешен Весник)
13 јануари 2014
