Убијците на нашите деца ја сквернавеле и црквата во Сингелиќ . „Истите стапки од сторителите кои ја искршија црквата се најдени и на езерото каде ги убија децата"- тврди Горан Наќески, таткото на убиениот Александар.
Полицијата досега не најде поврзаност на пишувачите на провокативни графити со убиството на Велигден.
Роднините на уапсените бараат цврст доказ и ги отфрлаат тврдењата во јавноста дека обвинетите војувале во Авганистан и тврдат дека целиот случај е монтиран.
Денешното судење за случајот „Монструм" беше затворено за јавност бидејќи се изведуваа докази обезбедени со посебни истражни мерки.
Судењето за полициската акција Монструм трае речиси година и половина. Дирекните убијци Демири и Исмаиловиќ се во затвор во Косово и за нив е неизвесна екстрадиција во земјава.
(Денешен Весник)
17 јануари 2014
