Фрлањето на крстот во Кичево има вековна традиција

Верскиот празник Богојавление (Водици) во Кичево се празнува со децении, за тоа посведочи и оваа фотографија снимена пред 80 години, кога за овој верски празник се фрлал Светиот крст во студените и бистри води на реката Темница, во близина на населбата Подварош.

На тој ден речиси целиот град се собирал на бреговите на реката, за да присуствува на чинот фрлање на крстот.

За жал денес коритото на реката Темница е претворено во вистинска депонија, нивото на водата е на минимум, и затоа крстот се фрла во базенот од поранешниот Дом на АРМ.

Зоран Антоски-Кичево

   (Нова Македонија)

    18 јануари 2014