Скопската епархија на македонската православна црвка одржа панихида за Гоце Делчев на неговиот гроб во црквата Св. Спас. Поводот е 142 годишнината од раѓањето на револуционерот.
На чествувањето пред неговото вечно почивалиште венци положија повеќе делегации. Собранието, Владата, Кабинетот на Претседателот, АРМ, МАНУ, локални власти, здруженија и политички партии. Освен во Св. Спас, цвеќе и венци беа положени и пред спомениците на Гоце Делчев во Градскиот Парк и на плоштадот Македонија.
Гоце Делчев е роден на денешен ден во 1872 година во Кукуш. Се школувал во гимназија во Солун и на Воената Академија во Софија. Тој е една од централнитет личност во македонското револуционерно движење поради работата на создавање мрежа на бази, комитети и чети. Убиен е од турската војска на 04 Мај 1903 во Баница.
Александар Димитриевски