Езерцето сега е узурпирано од БАНДИТИ против природата. На влез на патчето на хауба од стара кола напишале „забранет влез" и хаубата ја изрешетале со куршуми. Самото езерце е природно заградено со со шумичка и ливада, ама бандитиве ставиле порта од трски и на неа напишале „забранет влез". А внатре пуштиле 4-5 шарпланинци и никој не може ни да припари во ова дијамантче на природата. Езерцето е претворено во рибник (малку бетон, малку железо...), а на брегот си направиле еден се уште недовршен ѕидан објект, кој најверојатно треба да стане ресторан. Шумата не е приватна сопственост, а сега е и забранета за луѓето кои сакаат да уживаат во оваа недопрена природа.
За се ова се обидовме да пријавиме и во Македонски шуми, на нивната отворена линија за пријавување (02 155 22). Се јавивме на некои други нивни броеви, се јавија и ни рекоа дека тие не се надлежни за ова иако во имотниот лист пишува дека тоа е имот на Македонски шуми. Не упатија во Министерството за урбанизам на 023226143, а од тука на телефонскиот број 023226183, кој се исклучува по првото ѕвонење.
Група граѓани
(МКД)
6 февруари 2014
