Премиерот на Руската Федерација, Дмитриј Медведев смета дека посетата не европските пратеници на плоштадот во Киев е грубо мешање во внатрешните работи на Украина и дека тоа е неприлично однесување во 21 век, пренесува ИТАР-ТАСС.
„Гледајќи од страна тоа изгледа доста глупаво - активни министри, европски пратеници одат на плоштад. Сметам дека тоа е неприлично однесување за 21 век", изјави на конференцијата за печатот Медведев во Москва.
„Заминувањето на одредени претставници на ЕУ и други држави на активни во граѓанска смисла места не може поинаку да се нарече, освен грубо мешање во внатрешните работи на суверена држава", изјави рускиот премиер.
(Руска реч на македонски)
14 декември 2013