Како се лови риба на мраз?Риболовот на мраз не е само средство за забава и релаксација: тој е исто така и тест на издржливост. Не секој е способен да седи на мразот со часови, чекајќи да фати риба. Згора на тоа, секогаш постои ризик од пропаѓање во мразот.
Рибите исто така го менуваат своето однесување во екстремни временски услови. Нивните витални функции забавуваат, тие ја чуваат својата енергија и започнуваат да избегнуваат силни и брзи движења. Во зима, рибите живеат во длабочината на водата, на дното на реките.
И покрај сите тешкотии, искусните и упорни рибари секогаш успеваат да уловат гргеч, штука, црвеноперка или клен. Понекогаш овие риби се движат наоколу во потрага по поповолни места со кислород и храна.
Најдобриот риболов е на почетокот и на крајот на зимската сезона, односно ноември/декември, веднаш после првиот мраз, и во март кога мразот започнува да се топи. Фаќањето на риби е најтешко околу февруари кога е најстудениот дел од зимата.
Во зима, рибарите користат многу различна опрема, вклучувајќи дупчалка за мраз, длето за мраз (голема метална прачка која се користи за правење на дупки и за проверка на јачината на мразот), стол, санки и скии.
Најдобрите места за ловење на риба се во големите езера и рибниците. Уловот ќе биде добар за пет до седум дена во плитки и мирни води кога се формира слој на мраз одозгора.
Најдобрата мамка за зимскиот риболов се глистите за риболов, жива мамка, и ситни риби. Како мамки исто така се користат и варени компири и натопен леб.
Постојат неколку методи за фаќање на риби во текот на зимата. Кога се риболови со мормушка (руска риболовна мамка), рибарите продолжуваат да се движат на различни места на мразот. Ако рибарот користи прачка или плутена мамка, тогаш тој останува на истото место подолго време. Во ваков случај му треба засолниште од ветерот.
Треба да се биде многу внимателен на мразот. Не треба да се оди на мраз кој е потенок од 5-8 см. Ако се појават пукнатини, треба да се оди брзо, но смирено, далеку од опасната област. Носењето на секира за мраз им помага на рибите да излезат од водата ако евентуално паднат во неа.
Не се препорачува да се пие алкохол на мраз, бидејќи тој создава илузија на топлина. Сепак, многу рибари не го почитуваат ова правило.
(Руска реч на македонски)
20 декември 2013
