Тој вчера во својата резиденција во Переделкино, крај Москва, одржа служба за жртвите од терористички напади во Волгоград. Патријархот им изрази сочувство на роднините на загинатите, а извршителите на нападот ги нарече „непријатели на Русија" и изрази уверување дека тие нема да успеат никого да заплашат.
Авион Ил-76 на Министерството за вонредни ситуации синоќа во Москва пренесе седуммина ранети во двете експлозии во Волгоград, од кои петмина мажи и две жени. Тие се хоспитализирани во различни болници во Москва.
Во Волгоград останаа неидентификувани три тела, на две жени и на еден маж, кои загинаa во експлозијата на железничката станица на 29 декември.
Денеска ќе бидат погребани првите жртви од двата напади во Волгоград, во кои загинаа вкупно 33 лица.
(Денешен Весник)
31 декември 2013
