Лидерите на регионите на југоисточна Украина, кои се лојални на претседателот Виктор Јанукович, денеска го оспорија легитимитетот на националниот Парламент и соопштија дека ја преземаат контролата над своите територии додека не се воспостави уставен поредок во земјата.
-Ние локалните власти на сите нивоа, Врховниот совет на Автономна Република Крим, регионот Севастопољ одлучивме да ја преземеме одговорноста за обезбедување на уставниот поредок и правата на граѓаните на своја територија, се наведува во резолуцијата усвоена на денешниот јавен состанок.
Повеќе од 10.000 луѓе се собраа во Палатата на спортовите во Харков, каде состанок одржуваат 3.477 пратеници.
-Се собравме овде не за да ја поделиме земјата, туку за да ја сочуваме, изјави регионалниот гувернер Михаил Добкин, обраќајќи му се на насобраниот народ.
Пратениците во Харков објавија голем број мерки, меѓу кои заштита на магацините со оружје за да се спречи евентуалниот упад на радикалните опозициски активисти. Граѓаните бараат да се формира локална милиција за да се заштити јавниот ред и мир, а локалните власти треба тие сили да ги финансираат и да ги поддржат.
Тука може во живо да ги следите случувањата во Украина
http://www.youtube.com/watch?v=Y_LFrMcoEm4&feature=share
(Денешен Весник)
22 декември 2014
