Фото: После неколку децении, Божиќна литија во Кичево

Божиќна литија составена од неколку десетини дечиња, празник за очи и душа, ги украси кичевските улици. Оваа традиција, забранета пред неколку децении, вчера, на денот на Христовото рождество повторно се одржа. Најмалото од дечињата имаше само 2 години.

Поворката пеејќи ја песната „Вечниот Бог“ тргна од православниот храм „Свети Апстоли Петар и Павле“ по кичевските улици. Песната ја вежбале изминатиот месец. Дечињата носејќи макета која ја симболизираше пештерата во која се родил Исус Христос, посетија повеќе домови каде беа дарувани со традиционалните подароци костенчиња, бонбончиња, ситни парички.

Кон поворката со дечињата се приклучи и Влатко Лозаноски кој исто така ја пееше песната „Вечниот Бог“.

Поворката заврши таму и од каде што почна, во црквата Свети Петар и Павле, каде дечињата беа дарувани од свештениците.

Извор: “Денешен Весник“