Абхазија нема намера да одржи референдум за присоединување кон Русија

Абхазија сака да биде независна држава и нема намера да се приклучува кон Русија, изјави премиерот Артур Миквабија.

Абхазискиот премиер Артур Миквабија, коментирајќи го референдумот во Јужна Осетија за присоединување кон Русија, изјави дека нема да го следат таквиот пример, затоа што „Абхазија – тоа е друга приказна“.

„Мотивите на Цхинвали се разбирливи. Осетинците се поделен народ, дел сега живее во Русија, а дел во Јужна Осетија. Затоа постои желба за обединување. Кај нас ситуацијата е поинаква. Ние сакаме да бидеме независна држава и истовремено сигурен и верен сојузник на Велика Русија. Ние ја заслуживме својата независност, дадовме за неа илјадници животи на најдобрите синови и ќерки“, изјави абхазискиот премиер во интервју за РИА „Новости“.

Извор: “Руска реч на македонски“