Охридската Лествица од 1360 г. Опис: Пишувана е на хартија, 296 л., 22 x 14, 5 см, со ситен устав од валчест тип, со форми од средината на 14 век; полн текстуален тип. Има скромна илуминација работена со црвено-зелено-бел колорит. Се истакнуваат знаменца со правоаголна форма и внатрешна плетенка. Иницијалите се скромни со црвен колорит. Недостасуваат листови, а од некои се сочувани само парчиња. Повезот е од тенки штици во црна кожа. Орнаментот на корицата е од стар тип – дијагонали и ромб, и палмети и медалјони во слободните полиња. На самиот почеток (предната корица од внатре) ја има добропознатата илустација, карактеристична за Лествицата – скала, со Христос во горниот агол, Кој ја протега раката кон подвижникот. Се чува во Народниот музеј на градот Охрид под сигнатура М 93. Во ракописот се сретнуваат повеќе записи од кои еден гласи: „Оваа книга е од Великата црква на Прва Јустинијана“
