|
|
Main » Photo album » My photos » Петре М. Андреевски
Петре М. Андреевски
ручек
(пофалба на животот)
Си седеа на постела
од легната летна трева,
ко нов ред и реченица
во составот на полето.
И јадеа леб и кромид
пред светлото без петица,
дур сонцето ги чекаше
да завршат со храната.
И, јадејќи, со очите
постојано се смееја,
а полето им ѕвонеше,
ко одајче варосано.
Блазеси му - тогаш реков -
на воздухот што го дишат,
блазеси му на видикот
кај што видот им запира.
Блазеси му и на лебот
што им гледа кон устите,
Блазеси и на водата
што е в нивна употреба.
Блазеси му и на денот
што им зема денска мера,
блазе си и и на ноќта
што мерата му ја брише.
Не знаеја кој излеа
од светлото круна за нив,
не знаеја што не знаат
дури така се гледаа.
Не знаеја за староста
и за смртта не бе чуле,
зашто сета вечност тука
беше си ја подзапреле.
Не знаеја кај се држи
ни душата за телото,
ни страните на светот како
среќно им се среќаваа. |
|
Views: 405 | Dimensions: 330x313px/17.3KbDate: 2013-08-17
| Added by: Вељанко
|
|
|
Rating: 0.0/0 |
| |
|
|
|
