Транссибирската железница повеќе не е најдолга во светот

Во германското пристаниште Дуизбург кинеската стока пристигнува со товарни возови, благодарение на една од најдолгите железнички пруги, која е позната како „Челичниот пат на свилата“.

Поради ова пристаништетот Дуизбург денес ќе го посети кинескиот претседател Си Џинпинг, кој ќе ги пречека возовите со кинеска електронска опрема, која пред 16 дена тргнала од кинескиот град Чунгкинг.

Железничката пруга, наречена Јусину, е направена во 2011 година и ги поврзува Чунгкинг и Дуизбург, а минува низ Казахстан, Русија, Белорусија и Полска.

Долга е околу 11.000 километри, што значи дека е поддолга од Транссибирската железница, но е за околу 2.000 километри пократка од пругата што ги спојува Шангај и Дуизбург.

„Железницата сѐ повеќе се користи за транспорт на стока бидејќи е двапати подолга од поморскиот сообраќај а двојно поевтина од авионскиот транспорт“, објаснува Ерих Стаке, шеф на претпријатието што го работи пристаништето во Дуизбург.

Експертите оценуваат дека овој вид на интерконтинентален транспорт е во зачеток, но дека може да има одлична иднина поради безбедноста, почитувањето на роковите и стабилната политичка ситуација. Покрај ова, се очекува пристаништетот во Дуизбург да станува сѐ посилно и да влева повеќе доверба по денешната посета на кинескиот претседател.

Извор: “МКД“