ЌЕ ИМА ВОЈНА: Статус на актерот Јовановски за Заев ги разгоре социјалните мрежи (ФОТО)

„Штетата што ја направи таа црпка е голема. Ќе има војна! Нова војна ќе има! Црпко, никој не сака во твојата кожа да биде!“, стои во статусот на Владо Јовановски

Ќе има војна, нова војна ќе има!. Црпко, никој не сака во твојата кожа да биде, напиша актерот Владо Јовановски на неговиот профил на „Фејсбук“ и веднаш предизвика лавина реакции. Дел од „фејсбукчиите“ го поддржуваат во неговиот став, но има и голем број критики насочени кон актерот кој последниов период е актуелен со ликот Миле во познатата хумористична серија „Преспав“.

„Фауст од Муртино потпишал! Своерачно го потпишал договорот. Го потпишал со крвта на загинатите бранители, од сегашните и минатите војни. На тој слуга, гласот му го дадоа триста и педесет илјади заблудени граѓани. Има и такви што велат дека ѓаволот ги измамил, дека биле несвесни. Како и да е, после е..ње нема каење. Само, штетата што ја направи таа црпка е голема. Ќе има војна! Нова војна ќе има! Црпко, никој не сака во твојата кожа да биде!“, стои во статусот на Јовановски.

Тој додал уште еден статус, на кој прашува: „Колку чини кило пластичен експлозив на црниот пазар?“

Во дел од коментарите извесен Бујар Исмани прашал: „Владо Јовановски, лесно зборуваш ќе има војна, ама дали ти ќе излезеш на фронтот или ќе бегаш одма преку граница?“

На тоа Јовановски одговорил: „Бујар Исмани, за која граница зборуваш? Такви како тебе заговараат да нема граница на северозапад. Ама не си придавај важност, не си ми ти проблем. Ние Македонците си имаме свој проблем. Заев се вика нашиот проблем. Таа гангрена има име...“

Извор: “Телеграф,мк“