Добрила Пуцкова

На денешен ден 2007 година починала Добрила Пуцкова, македонска театарска, филмска и телевизиска глумица. Родена е на 6 јуни 1926 во Куманово, каде го завршува универзитетското образование. По положената аудиција влегла во првиот состав на Драмата на Македонскиот народен театар во 1945 година, во кој останала во текот на целиот работен век, односно до пензионирањето во 1982 година. Во 2002 година добила награда за животно дело на Македонскиот театарски фестивал Војдан Чернодрински во Прилеп.

Бранко Ѓорчев

На денешен ден 2013 година, по долго боледување починал актерот Бранко Ѓорчев, директор на Драмскиот театар - Скопје. Од 1987 година работел како актер во Драмски театар - Скопје. Остварил голем број главни и споредни улоги, во матичниот театар и во сите театарски институции во државата. Во 2006 година бил избран за директор на Драмски театар, а во 2010 реизбран на функцијата. Добитник бил на државната награда “Св. Климент Охридски“ за 2012 година, за долгогодишни остварувања во културата. Ѓорчев бил роден 1962 година во Неготино.

МАКЕДОНСКА АКАДЕМИЈА НА НАУКИТЕ И УМЕТНОСТИТЕ

http://manu.edu.mk/

Закон за МАНУ

На денешен ден 1967 година, во Скопје бил донесен Закон за Македонската академија на науките и уметностите (МАНУ). Академијата свечено била отворена на 10 октомври 1967 година. Прв Претседател на МАНУ бил Блаже Конески.

Рајко Јовчевски

На денешен ден 1937 година, во селото Луковдол, Струшко, е роден Рајко Јовчевски, македонски писател за деца, преведувач и новинар. Негова прва објавена книга е “Еден малечок свет“ (поезија 1967). Пишувал и раскази и романи. Умрел во Скопје, на 19 јуни 2001 година.

Борис Бојаџиски

На денешен ден 1915, во Охрид е роден Борис Бојаџиски, македонски раскажувач, новинар и публицист. Автор е на пиесите за деца “Дадовме збор“, “Милка“, “Дедо Мраз и кај нас“, на збирките раскази за деца “Првите цутови“ и “Чекори што не можеа да запрат“, како и на монографијата за народниот херој Орце Николов. Умрел во Охрид, на 9 мај 1959 година.