Ташко Георгиевски

На денешен ден 1935 година, во Кронцелево, Егејска Македонија се родил Ташко Георгиевски, македонски раскажувач, романописец и филмски сценарист. Главна тема кај Георгиевски се трагичните прогонства и преселби на егејските Македонци, нивните несреќи и раселувања. Членувал во МАНУ од 1983 година. Работел во редакцијата на весникот “Млад борец“ и во списанието “Современост“. Бил уредник во Македонската телевизија и во издавачките куќи “Мисла“ и “Македонска книга“. Ги има добиено наградите “Кочо Рацин“, “11 Октомври“, “13 Ноември“, “Стале Попов“, “Рациново признание“ и други. Починал на 13 април 2012 година во Скопје. Најзначајни дела: “Луѓе и волци“, “Ѕидови“, “Црно семе“, “Змиски ветар“, “Црвениот коњ“, “Време на молчење“, “Рамна земја“, ““Плочата на животот, “Исчезнување“, “Црна билка“, “Ненапишани раскази“.