Илинден #4 –Граѓанска иницијатива за Заедничка Македонија

Ден Втор

28 февруари 2017 година

Добро вечер, граѓани на Република Македонија. Се радуваме што сте толкав број, излеговте вчера, бевте со нас. Подржавте и... Да појдеме заедно по нашата маршрута. Да појдеме повторно по нашата маршрута, за да го спречиме разнебитувањето на Македонија. Да направиме се што е во наша моќ, бидејќи се е во наша рака, за нашата држава да остане унитарна, да остане наша, да живееме и понатаму овде слободно. Се радувам, горда сум, што можам да ве поздравам вечерва. Чест ми е, особено во името на нашиот завет, заеднички завет од нашите претци, знаете дека мојот славен предок е Крсте Петков Мисирков, којшто со своите постулати, пред повеќе од сто години, не обврза да го чуваме она што е денес стекнато по многу мачен пат, со пролеана крв од нашите претци. Мораме да го сочуваме заради нашето потомство, заради нашите деца, заради нас самите. Ви благодарам уште еднаш што ни укажавте ваква голема подршка и благодарам на претставниците на Средствата за Информирање, кои што покажаа огромен интерес. Се надевам пак, дека постулатите од нашиот проглас се доволно јасни, упатени до секој, апсолутно до секој, граѓанин на нашата земја, Република Македонија, којшто е добредојден да се чувствува овде пријатно и да биде лојален, бидејќи јаде наш леб. Благодарам!

Елена Мисиркова – пијанистка и правнука на Крсте Петков Мисирков, пред Владата на Република Македонија