СОРОС ПРЕСТАНИ ДА ЈА ЈАДЕШ МАКЕДОНИЈА: Масовен протест во Скопје, поддршка и од небо (ФОТО/ВИДЕО)

Има и транспаренти на кои му се порачува на милијардерот да „престане да ја јаде Македонија“. Се појавија транспренти на кои се бара и од еврокомесарот Јоханес Хан да се тргне настрана од Македонија.

Параглајдер со боите на Македонија го означи почетокот на денешниот протест што го организира граѓанската иницијатива „За заедничка Македонија“ во Скопје. Низ главниот град има маса од народ кои протестираат против плановите за уривање на унитарноста на државата. Македонските знамиња го исполнија просторот од Владата кон Собранието.

Видливи се и голем број транспаренти насочени против милијардерот Џорџ Сорос, како и против мрежата од негови организации. Тој е прикажан како демон со зацрвенети очи, а има и транспаренти на кои му се порачува на милијардерот да „престане да ја јаде Македонија“.

Се појавија  транспаренти на кои се бара и од еврокомесарот Јоханес Хан да се тргне настрана од Македонија.

Ечи Македонија, се пеат патриотски песни, полно е во центарот на Скопје. Иста слика има и во другите градови од државата каде низ централните подрачја се собрани голем број граѓани. Барањата и натаму се исти, да не се дозволи никакво прифаќање на платформата составена во Тирана, а со која се урива државниот и национален белег на Македонија.

http://www.telegraf.mk/aktuelno/makedonija/ns-newsarticle-soros-prestani-da-ja-jades-makedonija-masoven-protest-vo-skopje-poddrska-i-od-nebo-fotovideo.nspx

Извор: “Телеграф.мк“