Илинден #4 –Граѓанска иницијатива за Заедничка Македонија
Ден Трет
1 март 2017

Браќа Македонци! Македонија ве повикува да застанеме во одбрана на унитарниот карактер на Македонија. Денес ние, граѓаните, за Заедничка Македонија, ги повикуваме членството на СДСМ, и секој граѓанин кој искрено ја сака мултиетничка, а не двонационална Македонија, да ни се приклучи. Не стојте настрана. Ова е поважна битка. Местото ви е со народот. Ние, граѓаните, сакаме да застанеме зад една партија, а тоа е нашата Македонија. Нема да дозволиме да бидеме уценети со туѓи платформи. Нема да дозволиме некој на мала врата да ни протурка нешто кое ние, граѓаните, на избори не сме го гласале. Да не дозволиме нешто од надвор, нечие туѓо сценарио, да ја разјаде нашата држава од внатре. Изборот кој секој од нас го направи беше Македонија неподелена, суверена, заедничка Македонија. Зад оваа идеја застанале и Илинденците и партизаните. Отфрлете тоа што сте прифатиле вие во СДС и компанија, да направиме сакаме граѓанска, народна платформа, направена тука во Скопје, во нашата Македонија. Платформа зад која ќе застанат Македонците, чесните Албанци, Турци, Роми, Власи, Срби, Бошњаци. Тоа им го должиме ние на нашите деца. Време е да се погледнеме во очи и да кажеме, за Македонија се работи. Само за Македонија. Македонија е нашата идеологија. Македонија е нашата партија. Таа не повикува да се обединиме и да ја одбраниме заедно од обезличувањето. Ние, друга резервна татковина немаме. Некои можеби имаат, ние сме единствени, нашата Македонија е наша татковина. Да живее Македонија!

Ванчо Петрушевски – актер, пред седиштето на СДСМ во Скопје